السبت، 25 ديسمبر 2010
یاسایێن گرێدای رۆژنامهڤانیێ ل ههرێما كوردستانێ د پهرتووكهكا ههكار فندی دا
پهرتووكهكا تایبهت ب یاسایێن رۆژنامهڤانیێ ڤه ژلایێ رۆژنامهڤان و مافپهروهر ههكار فندی ڤه هاتینه وهرگێران و بهرههڤكرن و چاپكرن.
دڤێ پهرتوكێ دا ئهو یاسایێن گرێدای رۆنامهڤانیێ ڤه ل ههرێما كوردستانێ دگهل راستڤهكرنێن وان ههر وهسا چهند تێبینه و پێزانینێن گرنگ ل دۆر وان یاسایان هاتیه بهلاڤكرن.
ژوان یاسایێن دڤێ پهرتووكێ هاتینه بهلاڤكرن ( یاسا كارێ رۆژنامهڤانى ل كوردستانێ و یاسا سهندیكا رۆژنامهڤانێن كوردستانێ و یاسا خانهنشینكرنا رۆژنامهڤان و یاسا چاپكریان ل ههرێمێ) دگهل راستڤهكرنێن وان ههر وهسا دهقێن كهفن یێن وان یاسایان. لێ یا گرنگ ئهوه كو دڤێ پهرتووكێ دا یاسایێن دیاركرى ب زمانێ كوردى – زارێ كرمانجیا ژوورى – و زمانێ عهرهبى هاتینه بهلاڤكرن.
ل دۆر مهرهم و ئارمانجێن دهركهتن و چاپكرنا ڤێ پهرتووكێ بهرههڤكهر و وهرگێرێ پهرتووكێ (ههكار فندی) دبێژیت ” ژبو كو ههر رۆژنامهڤانهك پتر ب ماف و ئهركێن خوه بزانیت من فهر دیت وان گشت یاسایێن گرێدایی كارێ وان ب بهرگهكى دا خرڤهبكهم و بێخمه بهر دهستێ رۆژنامهڤان”.
دهربارهى وهرگێراندنا وان یاساین بو سهر زمانێ كوردى – زارێ كورمانجی یا ژوورى فندی گۆت ” من وهرگێراندنه سهر زمانێ كوردى زارێ كورمانجیا ژوورى بو وێ ئێكێ كو رۆژنامهڤانێن مه پتر و روون و ئاشگرا تر وان یاسایان وهرگرن و هایدارى ناڤهروكا وان ببن، و ژلایهكێ دی ڤه ژى ئهڤ كاره بهرسڤهكه بو وان كهسێن كو دبێژن زمانێ كوردى ب گشتى و زارێ كورمانجیا ژوررى نه زمان و زارێ دادگههـ و زانستانه”.
ههژى یه بێژین كو پهرتووكا ناڤبرى ژ 160 بهرپهرێن ناڤنجى پێك دهێت و ل چاپخانا زانكۆیا دهوك هاتی چاپكرن.
د كۆنفرانسێ پێناسهكرنا ئالایان دا ل ئهمریكا، توركان هێریشی كوردان كر وو مسریان قهبول نهكر
ههڤپهیڤین و بهرههڤكرن: پهسار فندی
د رۆژا 20-10-2010 دا و ل باژارێ ئیندناپۆلس (ئهمریكا) كۆنفرانسهك ل سهر پێناسهكرنا ئالایێن وهلاتان هاته ل دارخستن، دناڤ داخازكریان دا كورد ژی ئاماده بوون.دڤێ كۆمجڤینێ دا نوونهرێن گهلهك وهلاتان بهرههڤ ببوون، سهگڤان خهلیل ژی وهكی نوونهرێ كوردان هاتبوو ڤهخوهندن.
د وێ روونشتنێ دا، پشتی نوونهرا توركیا ئا خفتی و ئالا وهلاتێ خوه یا ب رهنگێ سۆر ب ئالا ئاشتیێ و رهنگێ ئاشتیێ بناڤكری وو دا یه شرۆڤهكرن زێدهبارى ئینكاركرنا ههبوونا كوردان. ئاخفتنا نوونهرا تركیێ ژ ئالیێ رێڤهبهرێ كۆنفرانسی ب كهنى ڤه هاته برین وبهرسڤا وێ دا وگۆت"مه چ جاری نهدیت یه رهنگێ سۆر یێ ئاشتیێ یه". دووفرا نوونهرێ كوردان ژی بهرسڤا وێ دا .
ژ بۆ ئاگاهیێن بهرفرههتر ، مه پهیوهندی ب (سهگفان خهلیل)ی كر دا كو مه پێتر هایداری بوویهرێن ڤێ كۆنفرانسى بكهت.
ل دۆر مهرهمێن كۆنفرانسی وكا ئهو چاوا هاتیه داخواز كرن? سهگفان خهلیلی بۆ (وار) گۆت" مهرهما كۆنفرانسی رهوشهنبیری بو، بۆ پێناسینا ئالایێ ههر وهلاتهكی زێدهباری زانیاریێن ل سهر (وهلات، مللهت، جۆگرافیا) . ئهڤ چالاكی یه ل ئهمهریكا بهردهوامن د زانكۆ و دهزگههـ و رێخستنێن وان دا. ئهز ژی وهكی رۆژنامهڤانهكی كورد هاتم داخاز كرن بۆ كو ئهز ژی ل سهر ڤان مژارا باخڤم و ئالا كوردستانێ شرۆڤه وپێناسهبكهم.
كا ئهو رونشتن چاوا بریڤه چوو ، و چاوا ئهو هاته هێرشكرن? بۆ مه گۆت" نوونهرا توركیا دگۆتنا خوه دا، ههمى تشت لناڤ ههڤخستن، دهست پێكر ل سهر رهنگێ ئالایی ، رهنگێ سۆر، یێ ئاشتیێ یه، و ههیڤ رهنگێ ئازادیێ یه. لهورا رێڤهبهرێ كۆنفرانسی كهنی و گۆت: مه چ جارا نهدیتى یه رهنگێ سۆر یێ ئاشتیێ یه . ههر وهسا نوونهرا تركیێ گۆت: ژمارهیا ههمو ههموهلاتیێن تورك نێزیكی 40 ملیۆنی یه، دی ناڤ وان چهند زمانێن جودا ههبوون، لێ نهۆ خاكا مه ههمو توركه ….. ڤان گۆتنێن وێ ئه ز نهرههت كرن، لهورا من خوه گرت تا وهختێ من یێ ئا خفتنێ هاتی من ژی بهرسڤا وێ دا.
كا وی كهنگی و چاوا بهرسڤ ل سهر ڤێ گۆتنا وێ كر? سهگفان خهلیلی بۆ مه دا دیاركرن وگۆت "پشتی گۆتنا خوه ب داوی ئانی من ژێره گۆت "خوشكا هێژا دیاره تو نه ژ توركیا یه، دبه ئهو پهرتوكا ته خوهندی یه بهری تو وهره كۆنفرانسی ل سهر وهلاتهكێ دی به، د ههمان دهم دا هوون دكارن د گۆگلى دا، ههموو زانیاریێن ل سهر توركیا بناسن، ئه ز دێ تهنێ بهحسا ئالاو مللهتێ كورد بكم. من بهردهوام كر و گۆت"ئهم وهكی مللهتێ كورد وهكی ههموو مللهتێن دنیایێ نه، خوهدی خاك و ئالا و زمانهكی تایبهتن. لێ وهكی ههموو كهس دزانه رهوشا كوردان دناڤ چار دهولهتان دا هاته پهرچهكرن، د كۆمارا ماهاباد سالا 1925دا، كورد وهكی مللهت نههاتن ونداكرن، تهڤی حكومهتا وی گهلی هاته بدارڤهكرن. لێ نهۆ ههرێمهكه مه ههیه، تهڤی كۆ بچووكه، لێ ئارمانج و دهربرینێن كوردان ل تهڤاهیا جهان پێك تینه. ژمارهیا ههرێمێ نهۆ نێزیكی 7 ملیۆنی یه و یا رۆژئاڤا 4 و یێ كوردێن ل توركیا 20 و یێن رۆژهلات 9 ملیۆنه.
ههر وهسا مه ژێ داخاز كر كا گۆتنا نوونهرا تركیێ ل سهر ڤان گۆتنێن وی چی بوون? گۆت " نوونهرا توركیا گۆتنا من قوت كرد، وگۆت" كوردێن گوندی و كهلهش و رێگر كهنگی ژمارهیا وان ل توركیا بوونه ملیۆن، ئه گهر تو بهحسا چهند هزار رێگرێن چیا دكهى، ئهو نه 20 ملیۆنن، لێ 40 ملیۆن نهۆ ل توركیا ههمى توركن.
مه خوهست بزانین كانێ پشتی ڤان گۆتنێن وێ چ چێبوو و وی بهرسڤا وێ دا یان نه? سهگفان خهلیلی گۆت "بهرى ئهز بهرسڤا وێ بدهم نوونهرا دهولهتا مسرێ بهرسڤا وێ دا و گۆت ( ئهم ڤێ تۆمهتبارانێ قهت قهبولناكهین، وه 400 سالی حوكم ل عهرهبان كر درێیا موسلمانتیێ دا، وه زێدیی 5،000 گوندێن كوردان شهوتاندن، و فهرمانا مللهتێ ئهرمهن ل دارخست... ئه و كوردێن تو بهحسا وان دكهى نهۆ پهرچهیهك ژوهلاتێ وان سهربخوه یه، و ئه م نوونهرهتیا خوه لێ ڤهدكهن، تو 20 ملیۆنی تونه دكهى.
ل دۆر دیتنا بهرههڤبوویێن دى بهرامبهر ڤان گوتنا؟ وى وسا بهرسڤ دا و گۆت" رێڤهبهریا كۆنفراسى و نوونهرا وهلاتێ مسرێ ئهز خلوهكرم دووری مێڤانان، و ژمن را گۆتن(ئهم مهسهلا توركیا باش دزانن، و یا كوردان ژی دزانن، لێ بهلێ وسا دیاره هین ئهو مهژیێ تۆرانی دی سهرێ وان ده یه، لێ ئهو دونیا كۆ توركان لێ حوكم دكرن و ههرتم ب دارێ كوشتنێ پێك دهات خهلاس بوو، و پن پێكرنا مافێ مرۆڤان و كورد ب تایبهت قهت نهما كهس قهبول دكه، و ئینكاركرنا كوردان تو كهس نكاره پێكبینه . من ب ژى دل گهرمی سوپاسیا وان كر وپشتره مه ل گهل ههڤ بهحسا كێشهیا كورد و كوردستانێ گشتی كرد .
سهگفان خهلیل كی یه؟
- سهگفان خهلیل ژ رۆژئاڤا باژارێ حهسهكێ یه.
- وهكی خهباتكار چالاكڤان د وارێ وهكههڤیێ بۆ مللهتێ كورد ل رۆژئاڤایێ كوردستانێ كاركریه.
- پشتی سالا 2000ێ قهستا لوبنانێ دكهت ژبهر دهرفهتكه بهرفرههـ یا ئا زادیێ تێ ده ههبوو، ودهست ب كارێ رۆژنامهڤانیێ دكهت و دبیته پهیامنێرێ رۆژنامهیا رووداو و ئاڤێستا. ههر وهسا ل گهل چهند رۆناكبیرێن كورد كۆڤارهكێ بناڤێ (رودێم) دهردئێخن. نهو ژى ب چاپا دجیتال بهردهوامیێ ددهته وێ كۆڤارێ.
- بهرى چهند مهههكان قهستا وهلاتێ ئهمریكا دكهت و نهو ل وێرێ ئاكنجی یه و ل رۆژنامهیا (BAS) كاردكهت.
الأحد، 5 سبتمبر 2010
الاثنين، 24 مايو 2010
بلا ل بهر جاڤ بێته وهرگرتن (1)
ههكار فندی
دڤێ گوشێ دا دێ چهند تێبینى و دیتنێن جودا جودا یێن بجویك و گرنك ل بهر جاڤ وهرگرین و دهینه دیاركرن... هیڤیدارین ب ڤان كورته نڤیسا بشێین خزمهتهكێ بكهین و بهر باشیێ ڤه كارینَ خوه ببهینه پێش.
لۆگویێ حكومهتا ههرێما كوردستانێ و بهرئلاهیا بكارئینانێ
ب درێژیا دیرۆكێ ول جیهانێ گشتى ول ههر دهرێ دهستهلات، دهزگا، رێكخراو...هتد ب نیشانهكێ یان كورته پهیڤهكێ هاتینه نیاسین یان پێ تێنه نیاسین. ئیرۆ ئهڤ چهنده بوویه پێدڤیهك ئانكو فهره، گهر نه! بكێماسى تێته ل قهلهم دان.
پێتڤى یه ههر دهزگهههكى نیشان (ئارم – لۆگۆ) یهكێ تایبهت بخوه ڤه ههبیت كو یهكسهر پێ بێَته نیاسین، هێدى هێدى مه ل كوردستانێ ژى گرنگى یا ڤێ چهندێ زانیه ودهزگههێن فهرمى و یێن نه فهرمى (نیشان) ئارمێ خوه یێ تایبهت ههیه وجهێ خوه دناڤ خهلكى دا گرتى یه و پێ تێته نیاسین.
لێ شاشى و تێكشێلاندنهكا ئنتیكه لدهڤ مه ههیه كو ئهز باوهرم ل چ جها نینه.
دا كو ئهم گهلهك درێژنهكهین و ئێكسهر پچینه دناڤ بابهتێ خوه دا دێ بهحسێ چهند نموونهكێن بهرچاڤ و دهستنیشانكرى كهین، یهك ژوان بكارئینانا ئارمێ حكومهتا ههرمێ یه (حكومهتا ههرێما كوردستانێ).
ئهگهر ئهم بێن و ل بكارئینانا ڤى ئارمى بنێرین دێ بینین ل ههر دهرێ و ل ههر جهى بهرب چاڤ دكهڤیت (ئهڤه ژى شاشیه و قهد نه یا دروسته) راسته ئارم ئارمێ حكومهتا ههرێمێ یه وههر دام و دهزگهههكێ حكومى گرێداى ڤى ئارمى یه لێ چهوا حكومهتێ ئارمهكێ تایبهت ههیه ههر وهسا ههر وهزارهتهكێ ژى ئارمێ خوه یێ تایبهت ههیه.
ئانكو فهره لێزڤرینهك دبكار ئینانا ڤى ئارمى دا بێته كرن، ههر وهسا هندهك بنهما و مهرج بو بێنه دانان.
بوونموونه :
گهر نڤیسارهكا (جڤاتا وهزیران) یان (وهزارهتا داد) یان (پاریزگهها دهوك) یان ( باژێرڤانیا دهوك) یان (لژنا پزیشكى) – چ مهبهس مه پێ نینن تنێ وهك جێوازى د فهرمانگههـ و كاران دا – و(گهلهكێن دى) دێ ههمان ئارم لسهر كهلیشێن وان بینى و ژ دوویر ڤه دێ بیژى ئهڤه ههمى ژ ئێك دهزگههـ دهركهتینه تا كو مرۆڤ ناڤهرۆكا وان نڤیسارا نهخوینت نزانیت ژ كیژان دهزگههـ دهركهتیه.
ههر وهسا تابلویێن دام ودهزگههێن میرى ژى دێ بینى پرانیا وان ب ئارمێ حكومهتێ هاتینه خهملاندن و ئارمێ وهزارهتا وان پشتگوهـ هاتیه هاڤێتن.
دیسان بهلاڤۆك و پهرتوكێن ژ لایێ وهزارهتان ڤه ژى تێنه چاپكرن دیسان ئارمێ حكومهتێ لسهر تێته بهرچاڤكرن. و گهلهك نموونه و كارێن دى كو ههمى ب ڤى ئارمى تێَنه خهملاندن ، راستى ئهڤه گهلهك یا شاشه.
لێ فهره بێژین كا كهنكى وچهوا مافێ ڤان وهزارهت و دامودهزگههانه ئارمێ ناڤبرى بكاربیینن....ئهوژى ل دهمێ پشكداریكرنێ د هلكهفتهكا ناڤنهتهوهى دا یان د پرۆژهكێ مهزن وگرنگ یێ ناڤخویى دا كو ل تهنشت یان ههمبهر ئارمێ وان یێ تایبهت ئارمێ حكومهتێ ژى بێته بهرچاڤكرن. یان ئهو كار یان بزاڤ نوونهریا حكومهتى بكهت یان ژى یان روویێ حكومهتێ نیشانبدهت. وهك گشت حكومهت.
---------------------------------
د رۆژناما ئهڤرو (هژمار : 460 - 23.05.2010) دا هاتیه وهشاندن
الأحد، 23 مايو 2010
حكوومهتى كوردستان.. گهمژه نییه!!
ئهمیر فندى
سێ چوار ساڵ لهمهوبهر له سلێمانى و له بارهگاى سهتهلایتى كوردسات كه میوانى چهند ههڤاڵێك بووم، چاوم به كۆمهڵێك بهڕێز كهوت كه بهرپرس و ئهندامى دهزگاى كۆنترۆل كردنى جۆریى شتومهك بوون (كۆنترۆلى كوالیتى) كه بۆ تۆمار كردنى بهرنامهیهكى تهلهڤزیۆنى هاتببون كه تایبهت بوو به رهوشى ئهو ههموو جۆره خواراكهى كه له دهرهوه دێته نێو كوردستان.
له راستى دا پێخۆشحاڵ بووم كاتێك زانیم له كوردستانیش ئیدى دهزگایهكى وا گرنگمان ههیه بۆ كونترۆل كردنى بازارهكانى كوردستان و رێگه گرتن له هاتنى شتومهكى بهسهرچوو (ئێكسپایهر).
بهڵام به داخهوه ئهوهته پاش تێپهڕبوونى زیاتر له سێ ساڵیش هێشتا بازارهكانى كوردستان له زاخۆ تا دهگاته گهرمیان پڕه له پیسترین شتومهك له رووى كوالیتى و ماوهى بهكارهێنانى!!.
پرسیارى گرنگ ئهوهیه: ئایا بهڕێز سهرۆكى حكوومهتى كوردستان ئاگاى لهوهیه كه (ئاسایشى خۆراكى) كوردستان لهو پهرى مهترسیدایه؟!!.
ئایا وهزیرى بازرگانى و وهزارهتهكانى دیكهى پهیوهندیدار دهزانن كه بازارهكانى كوردستان یهك بنێشتى (فرێش) یا خود نائێكسپایهر تێدا نییه؟!!.
مهگهر وهزیرهكانى كوردستان بنێشت ناخۆن؟!!.
ئایا بهرپرسانى كوردستان دهزانن كه ئێستا له سهر سنوورهكانى كوردستان له ههر چوار لاوه دهزگاى تایبهت دامهزراوه بۆ گۆڕینى ژمارهكانى مێژووى بهسهرداچوونى شتوومهك؟!!.
بۆیهش دهبینین كه ئهم بهرنجه یان شهكره یان شامپۆیه كاتى بهسهرداچوونى زۆرى ماوه؛ كهچى له كاتى بهكارهێنانى دهزانى كه تامى تهواو نییه یان ئهركهكهى به جوانى بهجێناگهێنیت!!.
له ههموو وڵاتانى جیهان دا (ئاسایشى خۆراك) له ئاسایشى گشتى ئهوهى بهرامبهر تهلارى پهڕلهمان گرنگتره!! كهچى له كوردستانى خۆمان دا (ئاسایشى بهرپرسهكان) له خودى هاوڵاتیانیش گرنگتره!!.
من داوا له بهڕێز سهرۆكى حكوومهتى كوردستان دهكهم كه له بهڕێز وهزیرى تهندروستى بپرسیت: ئایا رۆژانه چهند حاڵهتى ژهراوبوون (تسمم) له نهخۆشخانهكانى كوردستان دا تۆمار دهكرێن؟ من دڵنیام كه وهزیرى بهڕێز ناوێریت ژمارهى راستهقینه به كاكى دكتۆر بڵێت؛ چونكه جێگاى شهرمهزارییه!!.
پێویسته حكوومهتى كوردستان ههستیتهوه و رێگا لهو پیسه بازرگانانه بگریت كه بهخوێنى گهل و میللهت بوون به ملیاردێر!! پێویسته حكوومهتى كوردستان چیتر نههێلیت بازگانى وا پیس وهكو گهمژهیهك تاماشاى بكات.. چونكه خهڵك پێیوایه كه حكوومهتى كوردستان گهمژه نییه و واش نییه وهكو چهند بازگانێك دهڵێن: ئاگاى له داروبهردى نییه!!.